أخلاق فلصو 💥 بقلم الشاعرة زينب سليم أحمد
◇■◇■◇■◇■◇■◇■◇■◇
ياللي بتحلف ،،،،،،،،،،،، انك غير
وعايشها كلام ،،،،،،،، ويا مظاهر
عامل فيها ،،،،،،،،،،،، فاعل خير
وبأخلاق فلصو ،،،،،،،،، بتتظاهر
مع سوسو وتوتو ،،،،،، مقضيها
تشرح كلماتها ،،،،،،،،،، ومعانيها
ووصلت ،،،،،، لسحرها وعينيها
والمخفي ،،،،،،،، اكتر م الظاهر
بتنزل قُصة على حواجبك .!!!
وجميع خلق الله ،،، ولا عاجبك
واللي نصيبه بلاه ،،، بقى جنبك
شاف بلاويك ،، وقِرِفته مساخر
على كل لسان ،،، سيرتك مضغة
لزقت فيك ،،،،،،،،،،، وكأنها دمغة
والقُصة ، وقعت م الصبغة ..!!!
على ضي الصلعة ،،،، ها نتسامر
على موهبتك ،،،،،،، ماشي تدلل
ولكبارات بلدك ،،،،،،،،،،،،،،، تتذلل
وتعلي فــ صوتك ،،، وتهلل ..!!!
في الأزهر مرة ،،،،،، وفــ الضاهر
بإسم الدين ،،،،،،، عمال بــ تزايد
وانت لكل الناس ،،، بتكايد ..!!!
وتهدد ،،،،،،،،،، اللي فــ يوم عاند
بفضيحته ،،، فضيحة المتطاهر
✍️ Zenab Seleem