أيامنا الحلوة 💖 بقلم الشاعرة زينب سليم أحمد
◇■◇■◇■◇■◇■◇■◇■◇
بتمر علينا الذكرى ساعات
وتصحي حاجات. ........!!!!!
كنا بنقول دي خلاص ماتت
نضحك أونبكي عليها ساعات
علشان اوقات ..........!!!!!
بتكون أيام حلوة وفاتت
وبنلقى الباقي يادوب دمعة
تنزل ع الخد ..............!!!!!
ونتوه في العد مابين تنهيدة
والتانية ...............!!!!!!!!!
نسرح في الدنيا وأحوالها
واللي جرالها خلى فراقنا
يبقى ف ثانية. ..........!!!!
وزماننا حتى في افراحنا
صحى ............. جراحنا
بكلمة بتتقال ،،، ونغم موال
ومواقف ،،،، بتبان متعادة
جايه زيادة تبدل لاحوال
نسرح ونفوق ونبص لفوق
نلقى ............. المسروق
عمر بحاله بكل جماله
وقلوب ............. مالوا
نفسها مره للفرح تدوق
ونلاقى الحظ كمان واحد
مايل .............. جاحد
ملقاش مرسى أو بر أمان
عام ......... في الأحزان
والفرح أن بان يتلاشى
اوام . ماهو أصله سراب
لأمل كان خاب وطلع
كداب ........ فنركز اكتر
في ملامح سكنت فينا
ونحن بسرعة و نسامح
اللي آذينا .. مهما دارينا
ولا اتصنعنا أننا ااقوى
م النظرة بنضعف ولا نقوى
ع القسوة تبان ونحن أوام
لايامنا زمان ويا الأحباب
ونمد أيدينا ونتعلق بأمل
كداب ..... ونحاول نلمس
ملامحهم ....نلاقيها سراب
فانفوق م الوهم ع الخضة
وبدم قلوبنا ...... بنتوضا
وزمن لجراحنا ... بيتحدى
فابنخنق فينا الاحساس
والصبر يكون جوانا أساس
وبصمدية .... وبرب الناس
بنعود ونسلم للمولى كل
امورنا ..... وبإيدنا بنطفي
جوانا ...... بريقنا ونورنا
وبترجع ايدنا اوام ع الخد
ونضيف للعد كمان ذكرى
تحيينا بكره لقلوب ناكرة
ويمكن فاكره لكن بتعاند
وتقاوح فكرة أنها تيجي
تسامح ..... تردم بترابها
على امبارح علشان تنساه
بس بتلقاه .... احتل القلب
بقى استعمار فجأة بتنهار
وتسلم أمرها لله ......!!!!!
✍️ Zenab Seleem