قلبي وعقلي وروحي ❤️ بقلم الشاعرة زينب سليم أحمد
◇□◇□◇□◇□◇□◇□◇
كمل وحدك ،،،،،،،، اللي بديته
سيبني فــ حالي وكتر خيرك
بعد ماهديت ،،،،،، اللي بنيته
راح من قلبي خلاص تأثيرك
انت زمان ،،،،، اخترت طريقك
وبقى شيطانك هو صديقك
أسوأ خلق الله ،،،،،، دا فريقك
وأخرها ،،،، يخونوك مع غيرك
جاي بتقول نرجع ونعود ..!!!
ونعيد تاني ،،،،، وعود وعهود
ايه يربطني معاك بــ قيود
مع سوء أخلاقك ،،، أو سيرك
كان عمري ،،،،،، وياك مسروق
نبض القلب ،،،، كمان مخنوق
إزاي بعدما اعيش فــ هدوء
اربط حالي معاك بــ مصيرك
لا أنفع ليك ،،،،،،،، ولا تنفع ليا
ربنا كرمه ،،،،،، يساوي الدنيا
وبفضله ،،،،،،،،،،، وبخيره عليا
عوض قلبي ،،، بحبيب غيرك
قلبي بيرقص ،،،،، لما يشوفه
عقلي بيسرح فيه وفــ طيفه
روحي وروحه ،، طير ووليفه
خليك بقى وحدك مع طيرك
خليك بقى وحدك مع طيرك
✍️ Zenab Seleem
