ندر عليا 💥 بقلم الشاعرة زينب سليم أحمد
💥💥ندرٍ عليا💥💥
◇■◇■◇■◇■◇■◇
فينك ... يا ليل الشتا
الساقعة .... واحشانا
الكلفتة ..... فــ الغطا
والعدس ... دا عشانا
المحشي بقى بالذات
من بعده .....حلويات
وتسالي ... ويا مغات
تتدفى بيه ... حِشانا
أما بسلامته الصيف
نار والعة دا يالطيف
شاهر سلاحه سيف
وحرارته ..... قفشانا
لا الهدمة .. طايقينها
ولا لقمة ... عاوزينها
فرشتنا ..... سايبينها
معادتش ..... طايقانا
نرمح كأننا فــ سبق
وعرقنا يصبح مرق
أعصابنا فيه تتحرق
والراحة ..... عصيانا
أسفين .. ياعم الشتا
لو قولنا ... ( تكتكنا )
أو قبل هلت جنابك
خططنا .... ( تكتكنا )
ندرٍ ............. عليا أنا
لوكنت .... طول السنة
دا يبقى .... يوم المُنى
ولا أقول ...... دا بكتنا
ولا أقول ...... دا بكتنا
✍️ Zenab Seleem
