أحلام متأجلة 💥بقلم الشاعرة زينب سليم أحمد
◇■◇■◇■◇■◇■◇
أنفض ... تراب الزمن
وبص ..... ع الصورة
هتلاقي عمر إترهن
والنفس ... مكسورة
أيام ..... ومستعجلة
أحلامها ..... متأجلة
أعمار ... ومتسجلة
وفــ زاوية محسورة
عايشين .... بنتأمل
فــ الدنيا ... وافعالها
وبصبرنا ........ نكمل
ولا نشكي من حالها
قالوا طباعها كدا ..!!
ردينا ... آشيا ورضا
ماهي روحنا متعودة
م اللي بيجرالها ..!!!
وميزانها عدله مال
للي معاه ...... المال
بيبقى نقصه كمال
والصعبة بينولها .!!!
إنفض تراب السنين
ركز ... فــ تجاعيدها
الحلو فيها يومين .!!
بيسروا في وريدها
بيهونوا ..... مرارها
ويزهزهوا خضارها
وبناها ..... وعمارها
أيادينا .... هاتعيدها
✍️ Zainab Selim