لعب عيال 💥بقلم الشاعرة زينب سليم أحمد
◇□◇□◇□◇□◇□◇□◇
عمري ماكنت فــ يوم اتخيل
إن الدنيا .......... عليا تميل
واما أقول دوبت وحبيت
ألقى حبيبي يطلع عيل .!!
كل يومين يظهرلي بحال
ويفصص لي فــ اللي اتقال
وبعصبية ..... وعقل عيال
ألقاه متعبي وبيكيل ...!!!!
ولا عمري اتخيلت حنانه
معجون بغباوة مع جنانه
لما اتأخر ......... عنه ثواني
ألقاه بيجز لي فــ سنانه ..!!
وبيفتح لي أوام ... تحقيق
ويقول خُلقه خلاص بيضيق
وانه زهق مابقاش بيطيق
ولابد اتغير علشانه ...!!!!!!
طولت فــ بالي ..... وبدادي
قولت دا طبع ويمكن عادي
ولقيتني ..... مقضية حياتي
عمالة بصالح وبراضي ..!!!!
يوم ورا يوم مليت بصراحة
ولقيتني ..... بهدوء وبراحة
قولت تعبت ومش مرتاحة
إنت فــ وادي وأنا فــ وادي
يومها حلف .. هايغير حاله
وانه اتعلم ... م اللي جراله
ولا يستغني يوم عن حبي
بعدما عاش يتمنى وصاله
طولت فــ بالي .... كالعادة
واما لقيت طبعه . بيتمادى
قلبي استكفى وقال بزيادة
هجره فــ ثانية وشد رحاله
هجره فــ ثانية وشد رحاله
✍️ Zainab Selim