حلم خاب💥بقلم الشاعرة زينب سليم أحمد
◇□◇□◇□◇□◇□◇□◇
بنقسى كتير ... ونستقوى
وبنظن .......... إننا أقوى
ونقطه ضعف تكسرنا ...!!
تدوب قلبنا ....... مانقوى
نلاقي كيانا ... والجبروت
يتلاشى بهدوء وسكوت
وتبقى حياتنا ولا الموت
فــ عينا تهون ومابتسوى
بنتحمل .... بشر وكلام
وبنداوي .... جراح وآلام
ونخمد نارنا في قلوبنا
لاجل ......... نهون الأيام
ونتجاوز ....... ونتخطى
ومابنقفش ..... ع الغلطة
قلوبنا بتبقى 100 حتة
ولا تعرف عتاب وخصام
دارينا غضبنا مايبانشي
قولنا اكيد ماهنهونشي
لقينا زعلنا .... مش فارق
بنتفارق ...... مانتصانشي
ولا فارق حضور وغياب
كأن فــ يوم ماكنا أحباب
جبال اشواقنا .. تلج وداب
وحلمنا خاب ... ما كملشي
حلمنا خاب ..... ما كملشي
✍️ Zainab Selim