تريند 💥بقلم الشاعرة زينب سليم أحمد

.           💥💥  تريند  💥💥

ولدي بسلاح الغدر  ،، سبح  فــ دمه مات
بعد  سنين  القهر   ،،  قضاها عزم  وثبات
برغم ضيق اليد .....  كان صخر ما يتهد
وبساط طموح اتمد  فــ مواجهة الأزمات

جبل الشهامة اتهز  ......  وطيره ما حلق
لانخوة عاد ولا عز  ..  شنبات بقت تحلق
نفوس راكبها العند ... تايهة ف جزر ومد
تسعى ان تبقى تريند . والناس لها تبحلق
 
✍️ Zainab Selim

المشاركات الشائعة من هذه المدونة

سيدنا الجنيه 💥 بقلم الشاعرة زينب سليم أحمد

صورة
💥 سيدنا الجنيه 💥 ◇■◇■◇■◇■◇■◇ عوموا  ... سيدنا الجنيه الغرق .........  باين عليه شكله  داخل .. ع الغريق والبريق .... زغلل عينيه انفخوا  فــ صورة جنابه إعرفوا  ايه   اللي  صابه مين ياناس صفر حسابه وهو كان ... معالي البيه ماله اتخشب  زي  اللوح كان  بيشهل كان لحلوح ليه سخسخ وعمل نحنوح والدنيا قال .. جايه عليه دخلوه ياللا  ....  الإنعاش آلا هيبته .... تروح بلاش اصله عام .....  ضد التيار من ساعتها ..راح مجاش نزلوه  ..... جوا  الدوامة بأوامر من  ستنا  ماما🇺🇲 غرقونا ...... ..... وغرقوه واستخسروا فينا العوامة 
قراءة المزيد

ماتتبطرش ◇◇ بقلم الشاعرة زينب سليم أحمد

صورة
.        ◇◇ ماتتبطرش ◇◇ ◇■◇■◇■◇■◇■◇■◇ ماتتبطرش ........ ع النعمة واحمد ربنا ...........  عليها دي  ناس  ياما ..... بتتمنى في دنيتها ..........  تلاقيها وراضية بحالها  لو هاتعيش بدُقة تاكلها ...... ويا العيش وساترة عرضها .... بالخيش وكرامتها ............ تعلي ها عزيزة النفس .....  وقنوعة ولو من حالها ..... موجوعة محال شكوتها  ممنوعة .!!! لغير المولى ......... تشكيها بتتقضى  ........  ولو بقليل وبتعاني ...... وطفح الكيل لكن معدولة ........ مابتميل وشايفة  قليلها ...... يكفيها كمال وجمالها .. ماله وصف بعقل رزين ...وعمره ماخف ضاربة الدنيا ... مليون كف  وراجلها  ........ اللي يعنيها تساوي ..... م الرجال 100 سليمة الفكر ......... والنية تحاجي عليك ب حنية ..!! ومُر العيشة ........  تِحليها بروح شفافة ...... وخفيفة تبان بسكوتة ..... وضعيفه فأخد الحق  ........ حريفة ورب كريم  ........ مقويها
قراءة المزيد

إزاي أنساك 💥 بقلم الشاعرة زينب سليم أحمد

صورة
كل الشكر والتقدير للفنان الشامل المطرب محمد عبدالله على تلحين وغناء قصيدة [ إزاي أنساك ] 💥 إزاي أنساك 💥 ◇◇◇◇◇◇◇◇◇ مش قادرة ...انسى  ولا عارفة ... اعيش رغم اني ..... قولت ما .......... يهمنيش لكني ........  حاسة جوايا ........ همسة  بتقولي ......... لسة  غيره ......... ماليش يقولولي انسي ... مايهمكيش مادامه قاسي ... وماحسكيش بقول دا  هوا ... فــ القلب جوا لو وسط نوة ... وياه هاأعيش وتعبني  ...... جداااا شوقي  ...... لعينيك ويوماتي ...... ادندن م اللهفة  ......... ليك طيفك ......... يحوم  ألقاني .......... أقوم وبعتلك ..ويا النجوم جواب يطمني عليك يقولولي انسي ... مايهمكيش مادامه قاسي ... وماحسكيش بقول دا هوا .... فــ القلب جوا لو وسط نوة ... وياه هاأعيش ياقلب ..... يحضن وروح ........ تضم ياحلم ........ غالي  ودعوة  ......... أم إزاي ... انساك .؟؟ واناقلبي ..... معاك حسيته ....... ملاك وماشالشي ... الهم  يقولولي انسي .... مايهمكيش مادامه قاسي ... وماحسكيش بقول دا هوا ... ف القلب جوا لو وسط نوة ... وياه هاأعيش  ✍...
قراءة المزيد