منيش منكم 💥بقلم الشاعرة زينب سليم أحمد
◇■◇■◇■◇■◇■◇■◇
ومش عاوزة أكون بينكم
هَلم الباقي ..... من صبري
يكون شاهد ... على قبري
وافوت الزيف ف مداينكم
بــ لونه تكحلوا سنينكم .!!
منيش منكم
مهيش طالبة لوع ولا غش
وناس ... متباعة ضمايرها
بتتلذذ ........ بآذى غيرها
وبتبدل فــ مليون وش .!!!
يانسل شيطان ودود المش
منيش منكم
هفارق ود .... كان مسموم
ودنيا .. اختل موازينها .!!!
عليكو ...... تسن سكاكينها
وتتحاسبوا بضمير معدوم
ياشلة لصوص وحزب البوم
منيش منكم
حسبت أيامي .... وسنيني
لقيتها معاكو ..... خسرانة
وروح ........ ألوانها بهتانة
حلف قلبي ....... يرسيني
كشف لي زيف ... معادنكم
منيش منكم
هافوت حواراتكم وهغادر
خلاص مليت .. ومش قادر
هالم الحزن جوايا واي جراح
وعمري الجاي .. اكون سواح
أعيشه بدين مهوش دينكم
منيش منكم
✍️ Zainab Selim