مش هسامح 💥 بقلم الشاعرة زينب سليم أحمد
◇■♡■◇■◇■◇■◇■◇
إوعا حد يقولي سامحي
واللي عاوز .. مني أنسى
قبل منها يحس جرحي
ولا كسرة فــ قلبي لسة
وان قدر يومها يسامح ؟؟
يبقى يجي يقولي اسامح
💥مش هاسامح💥
راح تقولوا ... عليا جاحدة
ولاجامدة .. وقلبي قاسي
بس انا وفــ لحظة واحدة
اتصدمت .... فــ كل ناسي
ظلم ياما ....... ورد جارح
يبقى ليه وازاي اسامح .؟!
💥مش هاسامح💥
أي قلب من حبيبه يتظلم
ويلاقيه بكل قسوة يكسره
لما بيقوى ولايتخطى الألم
يبقى سهل وبساطةيخسره
سهم الفراق حصان وجامح
والسماح ... رافض يسامح
💥مش هاسامح💥
واللي شاف الطيبة ضعف
وبغرور كمل في عِنده .!!!
يوم ما جرح . قلوبنا خف
يبقى ليه هنروح لعنده .؟؟
ولا اجدد مُر طافح ..؟؟!!
أو يظن ...... جاية اسامح
💥مش هاسامح💥
✍️ Zainab Selim