بـــ100 راجل💥بقلم الشاعرة زينب سليم أحمد
◇□◇□◇□◇□◇□◇□◇□◇
وبعد دا كله جاي بتقول
بتعملي ايه .... ؟؟!!
طب اسمع لما اشرح لك
وابين لك ........ ووضح لك
دانا برستيج .. برا البيت
مسؤلة وشيالة .....!!!!!
وجوا البيت حمولة كتير
وشغالة
وجاي تقول بتعملي ايه ؟؟
كأني فــ الحياة عالة ...!!!!!
جارية ضعيفة سيدها
شاريها بفلوسه ...!!!
دانا من غيري بـــ تلوصوا
فــ عز الشدة مين شالك .؟؟
وبتحافظ ......... على مالك
تحط القرش .. جنب القرش
وساترة بيتها ........ وعيالك
أنا لا ضعيفة .......... غلبانة
ولا دلوعة .............. بلبانة
أنا ست .......... البنات تماً
مُهرة أصيلة ......... عندانة
رافضة تكون على الهامش
مع الأزمات ........ بتتعايش
طفلة شقية سكناها ..
بقلب حديد فولاذ طايش
وسط الناس بــ 100 راجل
بكل شهامة ......... تتعامل
لكن جوا ...... حيطان بيتها
تدوب في صفاتها بالكامل
بسكوتة تدوب ... فــ إيديك
وأحلى مَن تشوفها عينيك
صوتها نغم ........ يهز قلوب
هدية ........... من إلهك ليك
وسط الناس ....... تكبر فيك
وترقيك ..... من عيونهم ليك
دي حتى لو ها تشكي فــ يوم
بتبقى الشكوى منك ليك ..!!
بعد دا كله جاي تسألني
بعمل إيه ..؟؟ !!!
انا مني هدوووووووء بيتك
بكل ما فيا .... قويتك
ومن وسط .. البشر كله ..!!!!
عشقت هواك ........ وحبيتك
هديتك ........ حبي وشعوري
وروحك ........ضي من نوري
شمعة ونورها ... مخلوق ليك
ولو راح أدوب .. فــ دا دوري
✍️ Zainab Selim