باب الأمل 💥بقلم الشاعرة زينب سليم أحمد
دقيت على باب الأمل مرة
قولت السعي أكيد محمود
بيحلي .... فــ الحلق المُرة
وتبقى الجودة بــ الموجود
لقيته قالي .... ماتحاوليش
أمل فــ الدنيا صعب يعيش
هج من القلوب . فــ الهيش
وحالف عمره يوم مايعود
سعيت تاني وجيت حده
قولت أعيش يومين عنده
لقيت بابه .. آوام سده ..!!!
وقال طلبك مهوش موجود
بنبرة صوت ... ملانة مرار
قالي الناس .. بقيت أشرار
طوايف عايشة وسط النار
ولا بتخشع .. لدين وعهود
وطايفة عايشة ع الهامش
عيارها صاب ومش طايش
تقاسي كتير ..... وتتعايش
بصبر وعزم ... ماله حدود
وسط دا كله هتشوف ناس
تسعى بطيبة ... وبإخلاص
يعود الود .... يبقى أساس
بــ ضي أمل . يكون مولود
.✍️ Zainab Selim