قسمة ونصيب💥بقلم الشاعرة زينب سليم أحمد
◇◇♡◇♡◇♡◇♡◇♡◇◇
من يوم ما عرفتك وانا قلبي
دقاته اتبرجل ........ موازينها
وبداري اللهفة ........ وبخبي
عن كل الناس مش عاوزينها
طايرة وسمايا ...ملانه نجوم
ع الحب يوماتي بنام وبقوم
وياك قلبي بقى ناوي الصوم
وجميع ألحانه ..... حافظينها
من يوم ما قابلتك وعيوني
حلفت ماتشوف غيرك تاني
وجيراني ف الحارة شافوني
قالوا فــ الحب ... دي بتعاني
اللي ما كان فيه حد عاجبها
صبحت مشغولة .... بحبيبها
واهي جت قسمتها ونصيبها
مع شاب حليوة ... وحلواني
من يوم ما عرفتك وانا عقلي
طار مني ...... مابقيتش افكر
لا بركز مين ....... اللي ندهلي
ولا عارفة احدد ..... ولا أكرر
م الفرحة بطير اما بشوفك
والمح في عينيك لهفة شوقك
انا عشقي منفى .. ومعشوقك
ولا يوم منك ..... راح يتحرر
ولا يوم منك ...... راح بتحرر
✍️ Zainab Selim
