توتة وحمدان💥بقلم الشاعرة زينب سليم أحمد
💥💥 توتة وحمدان 💥💥
◇□◇□◇□◇□◇□◇□◇
يوم ورا يوم قطنا .... حمدان
مالهوش كيف وكمان همدان
اسأله مالك ؟ دوغري يــ نونو
والقاه يجري يلم عيدان ..!!
لما اداديه ... بــ يثور ويزمزء
والقاه يجري كمان ..... ويفلق
وقت غداه ... برضه بيتخلق
ويسخسخ ... م النوم خمدان
وضعه اتطور .. كانه خطير
هايخس ... الواد يبقى هزيل
ما استنيتش .... أنا عنه كتير
خدته لدكتوره ........ سعفان
بص فــ عينه ... لقاه مقموص
وضحك قال ..... ماله الننوس
لسه هارد ...... قال المفعوص
واقع في الحب وهيمان ..!!!
قولت بجد .... صحيح طمني
اشرحلي حاله ......... وفهمني
قال الكشف عليه ..... بين لي
حاله كئيب ... وحزين حيران
قالي تابعي ......... كل حالاته
شوفي مين اقرب .. صاحباته
وتابعته وبشوف .... حركاته
قطقوطي ... وقطط الجيران
ولقيته بيلعب ......... مع توتة
قطة شيرازي .. عسل بسكوتة
وعايش دور ... بطل الحدوتة
الواد رميو ....... عاشق ولهان
وطلبت ايديها ....... بصراحة
بهدوء جارتي .. قالت مرتاحة
أصلاً توتة. ...... بكل بجاحة
واقعة فــ حب .. الواد حمدان
✍️ Zainab Selim
