عشان بحبك❤️بقلم الشاعرة زينب سليم أحمد
◇♡◇♡◇♡◇♡◇♡◇♡◇
وعشان بحبك ...... بتحمل
هاجي على نفسي واكمل
ولا يلزمني غيرك م الدنيا
يكفيني ... فــ عينيك اتأمل
وعشانك .......... فوت كتير
وفرشت طريقك ... بحرير
وسقيت ياما .... كتير عليق
لجل أشوف ..... منك تقدير
مانت حبيبي ... الغالي عليا
وانت الضي .... الساكن فيا
نبض القلب ... وروح الروح
منين مابروح . القاك حواليا
اول ما بشوفك ..... قدامي
بيتوه عقلي وبانسى الامي
وبحس اني .. ملكت الدنيا
واني قابلت فارس أحلامي
اللي حلمت ..... بحبه كتير
والروح بيه .. حاسة بتغيير
ولقلبي غرامه بقى مسيطر
وبيتحكم ........ كانه أمير
ياللي حبي ..... ليك عبادة
كل يوم ....... بشتاق زيادة
لو هعيش ... 100 الف عٌمر
حبك انت ... مالوش إعادة
مانت جدري ...... والأساس
نور عيوني .... وسيد الناس
روحي وروحك لما اتلاقوا
دوقت معاك أجمل إحساس
