مات الكلام 💥💥بقلم الشاعرة زينب سليم أحمد
◇■◇■◇■◇■◇■◇■◇
حقيقي بجد مستغرب ..؟؟
ولك عين تيجي وتقرب .!!!
عمر بحاله ..... ضاع وياك
كنت لحبي .......... تتهرب
جاي تبكي بدموع تماسيح
بتعمل مرة ... م المجاريح
ومرة القاك ... مع النحانيح
تشرق تاني ........ وتغرب
كنت فاكرني هاستناك .؟؟
وارضى إني اعيش وياك
بعد الغدر ........ وخيانتك
راجع تاني .... عاملي ملاك
حبل ودادك ......... الدايب
قطعته ........ عشان خايب
صبرت كتير ..... وبتعايب
على صبري .... زمان وياك
وبتقولي كمان ظالمة ...؟؟
وبتجني عليك يابريء ..!!!
فاكرني لسه .... فيك هايمة
ولسالك فــ قلبي .... بريق
انا نسيت انِ يوم شفتك
وحبيتك ............ وقدرتك
أنا من وقت .... ماعرفتك
ماقولتلي كلمة ... بلت ريق
كلامنا مات . خلاص امشي
ولا اتحرك عليك .... رمشي
انا بنسى ... اللي مرة يخون
وقلبي عليه ..... مايندمشي
بسيبه للي به.......... بــ يليق
وبرسم ليا .. 1000 طريق
مادمت اناقلبي صافي بريء
هلاقي حبيب ما بيخونشي
