أمل مولود💥بقلم الشاعرة زينب سليم أحمد
💥💥 أمل مولود 💥💥
◇■◇■◇■◇●◇■◇■◇■◇
رفعوا الأطبا الإيدين خلاص
قالوا آملنا ......... فيه مفقود
ابنك بقى فــ عداد الأموات
وفــ الحياة مبقاش موجود
صرخ الأب ..... بعلو الصوت
قال دا ضنايا نايم فــ سكوت
يبقى ازاي هايضمه الموت؟؟؟
ونبضه فــ قلبي ... له مردود
انا سامع ....... نفسه ودقاته
انا عمري ..... مربوط بحياته
دقات قلبي ....... من نبضاته
والروح بتعود ...... لما يعود
طول مابتتردد ...... انفاسي
طول ماهي حية فيا حواسي
طول مانا قلبي هادي وراسي
يبقى ضنايا ... بخير موجود
ضربوا ايديهم ..... كف بكف
قالوا دا عقلك ... واضح خف
وان قرار ........ كل الاصطف
وصلت حالته طريق مسدود
ولا نافع اجهزة ........ ودواه
سلم امرك ........... فيه لله
هو بقى .... فــ رحمة مولاه
قولت وفضله مالوهش حدود
وحضنت ضنايا ....... وبكيت
فجأه نبض قلبه ... وحسيت
نادى عليا ........ اوام رديت
قولتله جنبك .... اهو موجود
رد طبيب قلبه ...... فــ ذهول
قال سبحان الله معقول ..!!!!
وسجد شكر اوام على طول
قال معجزة ...... وأمل مولود
✍️ Zainab Selim
