رصاصة الرحمة💥بقلم الشاعرة زينب سليم أحمد
●■●■●■●■●■●■●
وبتقولي .... خلاص طالق
وان لابد .... نتفارق ..!!!
فاكر دمعي هايجري بحور
ولا فاكرني ..... هاتضايق
أنا لا زعلت ..... وتأثرت
ولا مصدومة .. واتحسرت
دانا من وهمك ... اتحررت
صبح بالي ..خلاص رايق
عُمر معاك مالوش لازمة
عيشت أنا فيه 200 أزمه
طلاقنا كان رصاص رحمة
هاعيش بعده اكيد فايق
طلاقنا مش بغيض ابداااا
ومع كل صلاة ...... بتادن
دعيت ياما ..... كتير جدا
بخلاصي منك اتعايق .!!!
مين يقبل ........ ويتحمل
تهين له كرامته ... ويكمل
ولأحزانه ..... تتأمل ..!!!
بـــ تتأفف .. ومش طايق
خيانتك شوفتها بـــ عيني
وفاكر كلمة ..... تراضيني
كنت أتمنى ...... تراعيني
بس الكبر ..... ليك سايق
مشاعرك كلها ..كات زيف
لسانك حاد ... زي السيف
رغم دا كله .. عقل خفيف
على سنك .. مهوش لايق
عواطفك فيها كنت بخيل
وللنزوة .... ضعيف وذليل
فــ ليه استنى .. ان عويل
يجي يقول خلاص طالق
[أنا هفارق ... أنا هفارق]
✍️ Zainab Selim
