كلمة ونص💥 بقلم الشاعرة زينب سليم أحمد
. 💥💥 كلمة ونص 💥💥
◇■◇■◇■◇■◇■◇■◇■◇
مني رسالة ....... فــ كلمة نص
للسلعوة .............. وللجربوع
قبل الهبد ......... وقبل الطس
فكروا حبة ...... في الموضوع
لو عاوزين ... تعملوا حوارات
ولا تخططوا ...... فــ مؤمرات
وتلفوا ......... فــ كل الندوات
يبقالكم رأي ......... ومسموع
ركزوا بس فــ تحقيق ذاتكم
وبلاها تلزيق .... فــ أسيادكم
وفروا بنزينكم ..... وطاقتكم
لفريقكو الميت م الجوع ..!!!
وبلاها .......... شغل الأفلام
لو فاكرين .... يبقالكو مقام
بسفالة ..... وهرتلة في كلام
فيه زيكو ... من نفس النوع
كان هيبة وكُبارة .... فــ عزه
له شنبات وقامات .... اتهزوا
جرب مرة ..... شيطانه يوزه
يعمل سهراية ..... وموضوع
وعرف يومها ... مقامه وقده
وعملناله حدود .. على حده
ياجبل عالي ما ريح هاتهده
ولا جربوعة ...... ولا جربوع
✍️ Zainab Selim