يا ابو جلابية 💥بقلم الشاعرة زينب سليم أحمد
💥💥 يا ابو جلابية 💥💥
◇□◇□◇□◇□◇□◇□◇
يابو جلابية ......... ولاسة
والنبي بزيادة غلاسة ..!!!
مالناش .... فــ قالوا قولنا
ودناوة ......... وأي طفاسة
روح سوق ألاعيبك غادي
إياك تيجي ...... الياما دي
واللي انت مسميه عادي
دي تناحة ونقص حساسة
الهيئة تبان لنا ....... هيبة
أخلاق ..... ما بتعرف عيبة
عمال ... ابن اللاعيبة ..!!!
بيبُخ سموم .... بــ خباثة
واتاري جيناته ... بــ عافية
ولسانه .. جايب له الكافية
وسخافته ... يقول عفوية
وبيحلف نيته ..... صافية
ايه فايدة تبقى بتوب .؟؟
العود جواه معطوب ...!!!
والنفس ....... ملانة عيوب
ومظاهر ... ولا كات كافية
راح فين عهدكو ياجدود ؟؟
كان كل خلفكوا ...... أسود
والعيل ....... كان في اللفة
له هيبة ....... ويصلب عود
الكلمة ............. كأنها عقد
بعديها لا قول ...... ولا رد
بركان ....... فــ الحق ورعد
وبتحموا ديار ..... وحدود
ياولاد بلدي ... اللي اتحول
ارجعوا تاني .... لــ عامنوٌل
شياطين بتقص جدوركم
وعدوكو ليها ........ يمول
وانتم .... قاعدين ع النت
بتراقبوا ...... فــ أيها ست
واللي بيرقص ع البيست
عندكو ترتيبه الأول ..!!!!!
✍️ Zainab Selim
