فارسة أحلامك 🪷 بقلم الشاعرة زينب سليم أحمد
🪷🪷 فارسة الأحلام 🪷🪷
◇□◇□◇□◇□◇□◇□◇□◇
أنا طبعا فارسة ....... أحلامك
وغرامي ساكن ............ جواك
بــ رقة قلبك ........... وكلامك
خليت الروح بتدوب فــ هواك
لكن متضايق ......... من غيرتي
مع انك يعني....... سبب حيرتي
دايما باالقاك .....حاضن صورتي
وساعات القاني .... مش فهماك
وتملي بحس ..... إن انت لئيم
عينك بتروح .... على أي حريم
وبتحلف ان ....... القصد سليم
مع اني معاك .... وكمان شيفاك
أجي اتكلم . تعمل مقموص .!!!
وتقول قلبك ملكي ومخصوص
وانك مش عيل ... ولا مفعوص
وتملي شايفني ..... قمر وملاك
الكيل فاض بيا .... صبح مليان
روحت انا وياك سيقاها جنان
وعملت مقالب ...... فــ المليان
ولقيتها جايبة .... نتيجة معاك
ورجعنا ........ احسن م الأول
ولا عينك عني ........ بتتحول
ولا عاد مشاويرك ..... بتطول
وتاخدني عافية كمان وياك
واعيش .... وافرسلك أحلامك
وافضل نجمة عالية فــ سماك
و بــ رقة قلبي ...... فــ غرامك
هاتدوب فيا ... وافضل عشقاك
✍️ Zainab Selim
