ليه محتار .؟! 💥 بقلم الشاعرة زينب سليم أحمد
◇□◇□◇□◇□◇□◇□◇□◇
إختار اللي ........ متبت فيك
وقت الشدة ..... يحن عليك
لو كل الدنيا ..... تكون ضدك
هاتلاقي ايده حاضنة إيديك
اختار اللي .. فــ يوم مايسيب
عمر أمالك فيه ....... ماتخيب
بر ومرسى .... عمره مايقسى
وياه تنسى .. جراح وتطيب
اختار العين .. اللي تشوفك
وتبدد قلقك ....... أو خوفك
وتدوق الويل .. وياك ماتميل.
وتشوفه جِميل من معروفك
اختار اللي ... معاك يتحدى
ويعاملك ... بحنان ومودة
لو تجري عليه بيضمك ليه
و فــ نن عينيه ترسى وتهدى
حكم عقلك وانت بتختار
وهايهدى قلبك ... لو محتار
وأوام هاتفوق وتلاقي الشوق
مع أحلى بداية ..... للمشوار
✍️ Zainab Selim