من غير عتاب💥 بقلم الشاعرة زينب سليم أحمد

  💥💥 من غير عتاب  💥💥◇■◇■◇■◇■◇■◇■◇■◇

بعد  الجرح  ما اندمل ...!!!!!
والفؤاد ............ صابه  الملل
جاي تصحي ليه  الجراح ..؟؟
إنسى خلاص ..... مفيش أمل
فكرت  بُعدك ......... والغياب
من غير  عتاب  هيكون عقاب
وبكل سهولة ..... قفلت الباب
والقلب .... وياه  اتقفل ...!!!!
بتروح تشكي وتقول  مظلوم
وتجيب على قلبي كمان اللوم  
دانت  مفكرتش حتى فـ يوم
تيجي  وتشرح لي إيه  حصل
ويوماتي  تلف  مابين  الناس
تبكي وتوصف  مُر  الإحساس
انك قدمت .... وفا  وإخلاص
ومفيش تقدير  ... مهما اتعمل
ومكنتش  عادل   ولا  منصف
لما ظلمتني ... وانت بتوصف
بكلام  قاسي عني .. ويكسف
واهو كل كلامك ليا وصل .!!!
ويوميها عرفت ... إنك ناقص
وضميرك  عمره  ماكان خالص
راح قلبي مفارقك ... وبناقص
ولاحس  فــ ثانية عليك بزعل
وقابلت  القلب ..... اللي يقدر
ولقانا نصيبنا .......... ومتقدر
وبخطط  وياه .......  وبسطر
وفرش لي طريقي ورود وأمل
وفرش لي طريقي ورود وأمل