شباب القلب ❤️ بقلم الشاعرة زينب سليم أحمد
♡♡♡♡♡♡♡♡♡♡♡♡♡♡
لو قلبك شاب واتملى تجاعيد
وسنين العمر ...... بتتسرسب
إياك تتسول ...... سندت إيد
أو روحك .... م الحزن تكركب
طبطب على روحك وبإيدك .!!
هاتجدد دمك ...... في وريدك
واللي بيحبك ........ ويريدك
من نفسه ..... يجيلك ويقرب
لو عطف هتشحته .... ومحبة
راح يتبخر ....... حبة ب حبة
إزاي قلبك يوم يتعبى ...؟؟
بمشاعر ....... لسة هاتتجرب
لو يوم بتعاني آلام وجروح
أو زاد جواك ...... البكا والنوح
اياك تغلط ......... ولندل تبوح
وتشرق وياه ........... وتغرب
فضفض مع ربك ، راح ترتاح
هتلاقي الكون بقى كله براح
وأمل مولود .... مع كل صباح
القلب معاه ........ قام يتدرب
✍️ Zainab Selim