مع نفسي 💥 بقلم الشاعرة زينب سليم أحمد
◇■◇■◇■◇■◇■◇■◇■◇
لساني بأمن كل الناس.
واتعامل بسذاجة وطيبة
وان شافوا ودي والاخلاص .
بيقولوا أوام ضعف وخيبة
بس المغرور والمتعالي ..
بيراعوا مشاعره طوالي
وماضيه بيشرف والحالي .
لو حتى ملطخ بــ العيبة .!!
الدنيا يوماتي عليا تدوس .
وبقيت من حالها متحير
مهمابشوف منها وجع ودروس .
ولا بتعلم ولابتغيير
وبفوت ليها وبسامح ..
واردم على أحزان امبارح
وتصدرلي الوش الكالح ..
لا بزمزء منها ولا بآيير
الكل لصبري بيستغرب .
على طولة بالي ويحسدني
واما يشوف حالي ويقرب ..
بيقدر وكمان يعذرني
اكمني عايش بتحمل ...
وبحقق حلمي ومكمل
مهما الدنيا معايا بتعمل ...
بتحداها لو تعاندني
وتوكالي بس على المولى ..
ولا مرة لندل بــ مد الأيد
وبشوفني لحالي رئيس دولة ..
كلمتي مسموعة وعزمي شديد
واللي يعادي دوغري بدوسه
ولا اسيب صابع تحت ضروسه
ولا فارق جاهه وفلوسه
ولاعمري هااقول للكلب ياسيدي
✍️ Zainab Selim
