الحاوي 💥 بقلم الشاعرة زينب سليم أحمد
◇■◇■◇■◇◇■◇■◇■◇
عامل حسن وفاكرني نعيمة
وداخلي فــ مواويل وغناوي
وبنية مكارة ............ لئيمة
صدعني حواديت ... وحكاوي
قالي أنا قبلك .. شوفت كتير
عيشت معاهم ...... كاني أمير
بس بمل بدون تبرير ...!!!!!!
والقاني ......... لفراقهم ناوي
من نظرة ..... بتعشقني عيون
فــ هوايا دابوا ..... و بجنون
قالوا فتوة الواد .... شمشون
وأنا فــ الحب ماليش ولاغاوي
بس لقيتك ..... انتي ياروحي
من نظرة .... بتداوي جروحي
طيفي معاكي منين ماتروحي
كاننا قصة ...... حكاها الراوي
قال مغرم فــ هواكي صبابة
وعاملي متقال ......... بربابة
قولتله عندك .. إصحى يا بابا
وبلاها ........ حوارات وبلاوي
ياسي شمشون خف لنا جنانك
انا ولا عمري ... هابقى عشانك
كل التعابين ....... جوا جرابك
ولا تقدر تأذيني ...... ياحاوي
لو فيوزاتك ... ضاربة ولاسعة
أو قاصد لحلالك ....... تسعى
تضرب مهري ياحلو فــ تسعة
وتبخر نفسك ....... بالجاوي
✍️ Zainab Selim