لسانك حصانك 💥 بقلم الشاعرة زينب سليم أحمد
💥💥 لسانك حصانك 💥💥
◇□◇□◇□◇□◇□◇□◇□◇
أهالينا زمان .. نصحوا وقالوا
فــ البوء حصان مطلوق بكلام
اللي يلجموا ........... ياهنيالو
أما اللي يهرتل ....... فــ كلامه
تتحرم صحبته ........ وسلامه
ونعيد تأهيله .......... وعلامه
ونظبط بالعقل ........... كماله
واللي يخبط يوم فــ حكومة
دا ياويله وماتقوملوش قومة
الأحكام تنزل .......... بالكومة
ويفارق ............. اهله وعياله
اما اللي يقبح ......... وفــ قوله
ع القنوات ...... يفرد لنا طوله
يتعدى ...... على الله ورسوله
ومفيش عين مسئول بصاله .!!
يبقى علينا ..... كشف المستور
ونقاطع .... بــ سلامته المغرور
ليقدم عذر ........ عن المنشور
ليعيش منبوذ ..... وحده لحاله
ونسُك عليه .......... كل أبوابه
يمكن يتراجع .......... فــ كتابه
والمولى عليه وحده ... حسابه
ياخده ...... أو يصلح من حاله
ياخده ....... أو يصلح من حاله
✍️ Zainab Selim