إوزن كلامك 💥 بقلم الشاعرة زينب سليم أحمد
💥💥 إوزن كلامك 💥💥
◇□◇□◇□◇□◇□◇□◇
برواز حياتك ....... صممه
واوزن كلامك ..... وافهمه
اللي مع الغير ........ تعمله
إياك معايا ........... تعممه
أنا حد ذوق أوي وصريح
الكلمة وش ماهيش تلميح
واما بشوف ، إنسان قبيح
من غير نقاش بــ احجمه
أصلي ماليش .. إيد تتلوي
وانت ياعم ........ الفهلوي
روح قبلا اعقل .. واستوي
وتعالى قول شييء نفهمه
لو قصة مال .. فانا اوزنك
لو جاي دراما .... هااحزنك
وان كان رخامة ، هاندمك
أصيلة .. وأصلي بــ احكمه
