مقياس ريختر 💥 بقلم الشاعرة زينب سليم أحمد
💥💥 مقياس ريختر 💥💥◇□◇□◇□◇●◇□◇□◇□◇
الدناوة ............ ليها ناسها
والطمع فــ الناس أساسها
اللي معروف ...... بالطفاسة
للحساسة .... كمان حابسها
واللي يبقى .... معاه فلوس
ع الجعان آوام ..... يدوس
ولجزمة ..... ابن الموكوس
1000 كلب يقوم لاحسها
إطعم الفم .......... وتعالى
اتنطط ع الناس ... واتعالى
اكتب شيك أو حتى حوالة
تبقى سيده ... وليها سيدها
زغلل العين ... بالقرووووش
إملا عينهم ..... . والكروش
تلقى سايبة ....... للمهروش
كلبشت ايده فــ إيدها ...!!!
ناس وعايشة .. ع الطفاسة
دب فــ عيونهم ..... رصاصة
هاتلاقيك ...... رغم الغلاسة
كل أفعالهم ........... فاقسها
اي حد ........ عوج فــ سيره
للي بيعبي ............ ويديله
هاتلاقيه ...... دايما فــ ديله
كل خيبة ....... معاه دايسها
المحبة ماهيش بــ غدوة .!!!
ولا لمة ............ جوا ندوة
المحبة ......... أمان وعزوة
ولا مقياس ريختر هايقيسها
✍️ Zainab Selim