خلاووووويص 💥بقلم الشاعرة زينب سليم أحمد
، 💥 خلاووووويص 💥
◇□◇□◇□◇□◇□◇□◇
لقمة بجبنه ..... ويا سريس
ولا تتذل ..... لندل خسيس
بعد كرامتك ، ايه هاينوبك
غير الموت مذلول وفطيس
غتت ، ع الدنيا برخامة ..!!!
عيش مرفوع الراس والهامة
واللي يغور ... مع الف سلامة
إكسر قُلة .. وقول خلاوويص
سيبك م اللي يقول عديها
والمصلحة .. هتجيك بعديها
ضد الحق يقف ع الواحدة
ومع الظلم عاملي حاسيس
غمس عيشك ....... لو بالدقة
مهما تكون .... بمرار ومشقة
يومها تلاقي .... إرادتك حرة
ويسهل لك ....... كل عويص
إبعد ع اللي ... عليك هايقسم
جاي بيخطط ... قال وبيرسم
كعبول عامل ... فيها مسمسم
جاي بحريمه ... وناوي يهيص
لقمة بجبنه .... ويا سريس
ولا تتذل ...... لندل خسيس
بعد كرامتك ..... ايه هاينوبك
غير الموت .. مذلول وفطيس
✍️ Zainab Selim