طير الأمل 💥 بقلم الشاعرة زينب سليم أحمد
◇■◇■◇■◇■◇■◇■◇
طير الأمل صحصح وقام
وبسرعة جنبي لقيته حام
من غير ماحتى يقول سلام
طرح عليا ......... كام سؤال
بصيت له أوام وانا بستغرب
قال ليه بتخاف ان تجرب ؟؟
وبتهرب لو حد يقرب ؟؟؟؟؟
وتقول خايف من قولنا وقال
قافل على روحك مليون باب
دافن أحلامك .. فــ السرداب
بمشاعر باردة ماليها حساب
و متقل قلبك ....... بالأحمال
خايف م الناس لو تأمنهم .!!!
قلقان من إنك تعاملهم ...؟؟؟
فايصيبك أذى من عمايلهم
فابتمنع بينكم ..... أي وصال
وبفكر مكلكع .... ماله أساس
عايش هربان ..من كل الناس
دي الجنة بدونهم مابتنداس
ولا يبقى ليها ... روح وجمال
يمكن فــ كلامك جزء صحيح
وتحس بإنك .... م المجاريح
وتجيلك ياما .... كتير تفاريح
تنسى همومك لو حتى جبال
فــ كلامك ... أو فعلك حاسب
وتملي يكون ...... جد مناسب
راح تلقى خساير ... ومكاسب
والحال يتظبط ... يصبح عال
لو تبقى في .... الفكر إيجابي
وتكون موزون مش متصابي
ولا هاتجامل ...... ولا بتحابي
راح تتعامل .... وفــ أي مجال