صرخة ميت 💥 بقلم الشاعرة زينب سليم أحمد
💥💥 صرخة ميت 💥💥 ●■●■●■●■●■●■●■●■●
وفروا هداياكو ........... ودروعكم
كل المعاتيه ... صبحوا فــ طوعكم
وبقيتوا توائم ملتصقة والمرتزقة
لزقة ......................... فــ ديلكم
واللي يطبل ........... واللي يزيط
وفــ حفل التأبين ............ بيعيط
مع إني زمان .......... كنت مابينكم
ولا متقدر ............... ولا متصيٌت
مين فيكم يوم ......... حس آلامي
أو عانني ......... فــ تحقيق أحلامي
جايين دلوقتي ...... بتتسابقوا ..!!
تاخدوا اللقطة ...... بــ شو إعلامي
وبتكتبوا فيا الشعر كمااان ..؟؟!!
وعملتوا رجال بر وإحسان ....؟؟
واما ولادي ......... نصبوا عزايا
ولا واحد منكم ... قعد فــ صوان
وفروا مجهودكو ...... وأي دروع
لا هاتشفي مريض ولا تشبع جوع
فيه شعرا كتير .... وحالات بالكوم
ولا منكم يوم ..... داوى الموجوع
فــ حياة بعضكم ..... نازلين تقطيع
والحق تملي ........ مابينكو يضيع
ويادوب بس ......... تفوقوا ثواني
لما يُقع واحد ........ بينكم صريع
تحزنوا وتنزلوا ....... فيه تصاريح
وبتعملوا فيها ....... كتير مجاريح
بعدها بثواني ... غُنى وأفراح ...!!!
وأتاري دموعكو .... دموع تماسيح
آآآه ياعالم عايشة ..... غش × غش
سلايا فــ ضهر ....... كمان وفــ وش
حتى فــ موتي بتاجروا كمان .؟؟!!!
دا مسيره ياكلكم ........ دود المش
لو كان البكا ........ بيصحي أموات
كان فاتنا ليل ونهار ...... فــ صوات
فاللي فــ حياتنا ......... كان قاسي
وعامل ناسي ....... فــ بلاها عياط
✍️ Zainab Selim
