إوعى تزعل 💥بقلم الشاعرة زينب سليم
◇■◇■◇■◇■◇■◇■◇
ليه بتزعل لو تلاقي ...؟؟
اقرب الناس لك غريبة
ولا انك يوم ....... تلاقي
غل ع الناجح ضريبة ..!!!
هو طبع الناس ياصاحبي
كل أحوالهم ...... عجيبة
واللي هاتقول انه منك
جاي مرقدلك ..... مصيبة
يبقى م الآخر تصحصح
م العمايل .......... المريبة
الغلط لو مرة ....... وارد
والتكرار دا بيبقى عيبة
إمتى كان الندل فكر ..؟؟
السماح .... أخلاق وطيبة
لما الروح . بتكون سوية
تبقى لصلاحها ..... قريبة
للجنة تحدد ..... مصيرها
ولربها ... راح تبقى حبيبة
✍️ Zainab Selim
