قلبي جامد 💥 بقلم الشاعرة زينب سليم أحمد
💥💥 قلبي جامد 💥💥
◇□◇□◇□◇□◇□◇□◇
لما بزعل .......... من فلان
بمحي صورته .... م المكان
بمحى حتى ..... الذكرى بنا
وبتتحول ...... لــ خبر كان
اوعوا تقولوا عليا جاحدة
ولا زي ........... أي واحدة
بس انا ..... ... مع أي خاين
قلبي قاسي .. وببقى جامدة
ومهما كان غضبي وضيقتي
القرار دا بيبقى ....... وقتي
مهما يقولي ...... كتير أعذار
ولا يمكن تاني .. ينول ثقتي
لما بزعل ........... من فلان
بنسى قلبي ......... والحنان
وتلاقيني ........ قلبي جامد
ومشاعري صعبة ... وما تبان
وبعامله بطريقته .. وطبعه
بتجاهل واعمل مش سامعه
مهما يقول .... ويرص كلام
بلاقيني مش هاضمه وبلعه
ومحال يوم أدخل فــ سباق
ولا ليا فــ تطبيل ..... ونفاق
الروح بياخدها اللي خلقها
والرزق ........... بإيد الرزاق
✍️ Zainab Selim