عيونك بحر 💥 بقلم الشاعرة زينب سليم أحمد
☘️ عيونك بحر ☘️
💥💥💥💥💥💥💥💥
عيونك بحر ...... ماله آرار
طب القلب .... ماقبش فيه
ومش عارف اخد فيه قرار
ولا عارف ..... مصيره إيه
عيونك ... شطي والمرسى
أتوه فــ النوة ..... وارجعله
ومهما اغيب وأقول هانسى
بعود والقلب ...... مرتاحله
عيونك ....... دنيا وخداني
وسحباني .. معاها فــ حلم
افوق منه ........ اتوه تاني
ألاقي الحلم ... أصبح علم
عيونك مركبة ... ومجداف
قلب كبير ........... مطمني
معاه قلبي اللي كان خواف
ساكن جواه .... وبيسيبني
عيونك نهر نيل وفرات
ورمشك سحره من بابل
تفرقنا كتير ...... خطوات
وعلى شطك ....... بنتقابل
