حق ضايع 💥 بقلم الشاعرة زينب سليم أحمد
◇■◇■◇■◇■◇■◇■◇
لما فــ حقك ...... يوم تتنازل
تلقى الكل عليك ..... اتراذل
يوم ورا يوم حقك هايضيع
ومقامك .... تلاقيه فــ النازل
يبقى لغيرك ... شبه مكاسب
متفصل على ..... قده مناسب
واما تطالب به ...... تتحاسب
وتشوف منهم ... ياما مهازل
وهتتلاقى كتير .... محاسيب
يقولولك ... هاتسيب هانسيب
واما تحاسب ... ع المشاريب
يرسم بينكم .... خطه العازل
راح ينكر معرفته بإسمك .!!!
ولا فاكر شبهك ..... أو رسمك
هاتموت ويشيعوا فــ مراسمك
وتفوتهم .... يخربوا فــ منازل
اولادك ...... مش هايسمحوك
وهايلعنوا . خيش اللي جابوك
وان طالوا كمان هايحاسبوك
على ضعفك ... وانك متخازل
عمر الكسرة .... ماتخلق هيبة
والحق رجوعه .. مهوش عيبة
بس ضياعه ... بيبقى مصيبة
يجي وراها ...... بلاوي مهازل
✍️ Zainab Selim
