قلب صافي 💚 بقلم الشاعرة زينب سليم أحمد
💚💚 قلب صافي 💚💚
◇♡◇♡◇♡◇◇♡◇♡◇♡◇
حد عنده ......... قلب صافي
صعب يجرح ..... ولا يقسى
للجراح .......... بلسم وشافي
بر للأمان ............. ومرسى
ابقى حلمه ......... العمر كله
يبقى شمسي .... وابقى ضله
قلب لما يتوه ............ أدله
اتلاقيه فاكر ........ ماينسى
يبقى ع المحبة ........ باقي
يروي أراضيه ........ الشراقي
نهر حب ......... لقلبي ساقي
يتسرسب ....... جوايا خلسة
حد قلبه ........ يكون سليم
يبقى فارس ....... مش لئيم
يرضى عنه . ( الحاج سليم )
ويهاديه ........ بأغلى فرسة
نفسي الاقي .... قلوب بريئة
تمسح دمعة حزن وضيقة
تبقى حبيبة قريبة صديقة
محال نلاقي ..... منها خسة
ايه ياعالم بينا صار ..؟؟؟
ليه صبحنا ........ فــ انحدار
لما غيرنا ................ المسار
بقينا صغار ..... جاتنا واكسة
ارجعوا .......... لزمن البراءة
افتحوا .......... للحب طاقة
دي المحبة ........ والصداقة
م المخاطر ..... ليكو حارسة
✍️ Zainab Selim
