حاجة تجنن 💥 بقلم الشاعرة زينب سليم أحمد
◇■◇■◇■◇■◇■◇■◇■◇
اللي يزرع .......... فــ أرض بور
وما يسمعش ..... نصيحة غيره
أمله الشوك ...... يطرح له زهور
ويجيه يوم ...... هايشم عبيره
عمره ما يرسى فــ يوم على بر
ولا هايميز ......... خير من شر
بيكون حاله ....... كئيب مايسر
ولا بيفوق أو يصحى ضميره
قلة عقله ........... تملي تعيبه
الكلمة ........... توديه وتجيبه
وبيتمسك ....... فــ اللي يسيبه
يتحكم ............ ويحدد سيره
واما بتنصحه ....... حتى بكلمة
كن دبحته ......... بسكينه تلمة
وبيحلفلك ............ إن الأمة
قال طمعانة .... فيه وفــ خيره
وتحسه ....... عايش فــ الدور
ان فــ إيده ........ شعاع النور
والعالم ........... غلبان معذور
ولا فاهم حجمه وتقديره ..!!!!
النوعية دي ... سيبها فــ حالها
عمرك ماهاتفهم ........ احوالها
اللي غلط ... ووقع في مجالها
جاله جنان .. والخانكة مصيره
✍️ Zainab Selim
