فرصة أخيرة 💥 بقلم الشاعرة زينب سليم أحمد

  💥💥  فرصة أخيرة  💥💥

■□■□■□■□■□■□■□■

ما بلاش نقلب .. فــ اللي فات

وتقول نسيتك ..... ولا هونت

بعمري ...... صونت الذكريات

انت  اللي بعت  وياما  خونت

تعالى حاسبني .. وقولي بجد

إمتى فــ الشدة ... لقيتك جد

ولا بينت ........ فــ قولك  ود 

أو بديت العشرة ..... وصونت

حبل ودادنا ..... صبح مقطوع

لو نوصله  هنلاقي 100 عقدة

لساه قلبي كمان ....... موجوع

ودواه صعب .... ومحتاج مدة

ولاما هاينسى .... ليفضل فاكر

انك خونت الحب ....... وناكر

وبراجع  ...... صفحاتنا واذاكر

يمكن ألاقي ...... بواقي مودة

بيها نعيد ...... حكايتنا الأولى

فرصة أخيرة  ، وتبقى محاولة

تكون مسئول وهكون مسئولة

ع التقصير ...... أو أي مزاولة

نبدأ  نقطة ...... وسطر جديد 

لانا اعاند  ...... ولا تبقى عنيد

تتجدد بينا ........... المواعيد

وابقى حكومة ... وقلبك دولة 

✍️ Zainab Selim