أنا والجزار 💥 بقلم الشاعرة زينب سليم أحمد
. 💥💥 أنا والجزار 💥💥
◇■◇■◇■◇■◇■◇■◇■◇
عم الجزار ... مادد 100 بوز
وبيسخر كنه شايف أراجوز
اكمني بقوله ......... يقطعلي
نُصاية لحمة ... تكون كندوز
ويادوب هاتكلم ...... وبقوله
قالي وكمان ...... حتة بتلوو
وبربع جنيه اللي فاضي له
اعطيله يابني ريشتين م لوز
وبصوت عالي ... قالي بحدة
ليه سايبة عقولكو ... وفوتوا
فاكرين هيعود .. زمن الجدة
قوم هبت منكم ...... وفلتوا
تؤمرني .... وتطلب ايه تاني
لو عايز ...... اجيب لك لباني
واقطعلك .. حتة من الضاني
وعشان للستيك خدله فلتوو
مانا فاتح ليكو محلي سبيل
وبوزع فيها ......... لحوم لله
علشان يقرفني فقير وعويل
جايب 100 جُند وجاي معاه
بيجهز لعزومة .......... وناوي
عايز ايشي كبدة على كلاوي
دانا لو دابح .... حتى حصاوي
ولا يكفي حتة ..... باللي معاه
ولا يكفي حتة ..... باللي معاه
✍️ Zainab Selim
.
