السلعوة 💥 بقلم الشاعرة زينب سليم أحمد
. 💥 السلعوووووووة 💥
●■●■●■●■●■●■●■●
السواد ....... لو كان فــ وش
هانقول عادي ... كمان معلش
إنما لو بان .......... فــ القلوب
بيبقى واضح ... مفيهش غش
ناس قلوبها ...... سودة كَحلة
المعاملة ......... معاها وحلة
الجربوع .......... وياه الفحلة
عالم كنها ........... دود المش
وليلاتي ....... زي الجراجير
فجل معاه ..... حزمة جرجير
ساحباة فــ إيدها .. بالجنزير
وهو يادوب .. يظبط فــ الدش
الهانم بتسوقها ........ مراذلة
تلقاها من شطافك .... نازلة
ويوماتي نحنحة ..... ومغازلة
وهي ماتسوى ... بصلة بقرش
بيقولوا دلعها الشيكولاتة ..!!!
والسلعوة .......... بكل غتاتة
قاعدة بترغي لنا ...... اللتاتة
ومسك راسنا صداع م الدش
بتقول .......... اتكبرت عليها
ولا يوم رحبت ....... بمعاليها
ماهي ناقصة ..... ولا هايعليها
الا عبيط مجنون ..... ومفش
عمري ماأقولها مرة ...... تعالي
أصل كلامها .......... كله تعالي
يكونش أبوها ... سيدنا الوالي
دا حتى سجين نايم ع البُرش
✍️ Zainab Selim
