قلب وحرفين ❤️ بقلم الشاعرة زينب سليم أحمد
◇♡◇♡◇♡◇♡◇♡◇♡◇♡◇♡◇♡◇
هو احنا بجد .... كنا فــ يوم بنفهم بعض ..؟؟؟؟؟
هو احنا صحيح ............... لسة جوانا لحظة ود
ولا الحب من سكات ....... من كتر مامر عليه أزمات
ضاع مابينا ولما مات ....... دبلت الدمعة ورد الخد
انا وانت زمان ........... كنا روح واحدة ومقسومة
ليه حبنا هان .؟؟ ..... ونهايته صبحت محسومة
ونقول كان عيب ...... أصبح بسهولة علينا نسيب
مابقيتش حبيبة ولانت حبيب .. الود اتحول لخصومة
معقول اللي مابينا كان كدب ...... ووهم كبير ..؟؟!!
معقول الحب طلع دخان .. اتبخر من قلبنا ويطير
أو يمكن كلمة وقلناها ........ القلب فــ يوم اتمناها
طلعت خالية من معناها .............. ولا ليها ضمير
انا وانت قصة نهيناها .. الباقي منها يادوب ذكرى
يمكن إننا لو حكيناها .... يتعلم منها الناس فكرة
وهتبقى أجمل حدوتة عن قلب وحرفين ع التوتة
لو حتى تفرقهم موتة ......... هيجمعهم ربنا بكرة
✍️ Zainab Selim