قد كلامك 💥بقلم الشاعرة زينب سليم أحمد
💥💥 قد كلامك .. 💥💥
◇■◇■◇■◇■◇■◇■◇■◇
لو مش قد كلام ..... هاتقوله
اسكت خالص .... وماتنطقش
ياما كتير قبلك .... وبــ قوله
كان رده كلام مابينطاقش
خلي كلامك ...... زين موزون
تلقاه دايماً ... جه فــ الجون
الكل يكون لك ......... ممنون
وتصيب هدفك وماتخسرش
طول ما لسانك حاكمه لجام
وماهرتلش ........ بأي كلام
يبقالك هيبة ......... ومقام
صاحب كلمة ...... مابتهزرش
لو مش قد كلام ..... هاتقوله
اسكت خالص .... وماتنطقش
ياما كتير قبلك .... وبــ قوله
كان رده كلام مابينطاقش
✍️ Zainab Selim
