إحكي ياشهرزاد 💥 بقلم الشاعرة زينب سليم أحمد
💥 إحكي ياشهر زاد 💥
◇■◇■◇■◇■◇■◇■◇
إحكي ........... ياشهرزاد
لفي .......... فــ كل البلاد
إحكي لنا ....... حكاية أُمة
بالغُمة كيلها ............ زاد
احكي لنا ...... ع اللي صار
من وقت ....... ماشعبنا ثار
فسري ............ كل الألغاز
بقنابل غاز ..... مع نار ..!!!
اتحدى ....... غيلان واسود
على أمل .. العدل يسود
أو شمس .... الحق تشقشق
وتدلدق خير ........ وتجود
قامت ثورة ......... كرامة
دوغري .... وبانت علامة
الظلم اتكسرت .... شوكته
وغار ....... من غير سلامة
قولنا ....... هانشم نفسنا
ونعود لبيوتنا ...... وناسنا
بالخير نبدر .......اراضينا
وتدور سواقيها .... تونسنا
قالوا هانعاني م الأزمة ..!!
وف ثانية اتعلقنا فــ حزمة
ارزاقنا يوماتي بقت بتضيق
وخطط ماباينلها .. ولا لزمة
وبقينا ياعالم .مش فاهمين
من فين رايح . بيودي لفين
مشاريع ضخمة ... للرفاهية
واحنا هفية فقرا وجعانين
بعد دا كله ليه بنستغرب .!!
لما ولادنا ..... بقيت تتغرب
ويوماتي جرايم .. وحوداث
وكوارث .. مننا بتقرب ..!!
إحكي بكل أمانة ..... ياشهر
ازاي بكرامة نقضي الشهر ؟؟
واحنا أصبحنا ... فــ دوامة
والساكت فينا ... ميت قهر
✍️ Zainab Selim