معقولة ❤️ بقلم الشاعرة زينب سليم أحمد
💥💥 معقولة 💥💥
◇■◇■◇■◇■◇■◇■◇
هو انا معقولة أعيش بعدك
أو تحلى دنيتي .. من بعدك
دانا بحسب عمري بالثانية
من وقت ماقلبي كان عندك
إزاي بتقولي هانتفارق ..؟؟!!
ولا بعادنا ...... مابقاش فارق
أنا روحي وروحك متعاهدين
سكتنا متعرفش ....... مفارق
وعيوني وقلبي ... مع رمشي
حلفت تسهرلك .... متنامشي
والروح لو راحت فــ الأحلام
تحضن طيفك قبل ماتمشي
يبقى عرفني أنساك ازاي .؟؟!!
وانت دنيتي .... والعمر الجاي
دي الروح والقلب وعقلي كمان
باقي على حبك ... مش نساي
مانت املي اللي أناعايشة عليه
ويمين غالي ..... أنا بحلف بيه
اللي نساني ....... جراح عمري
وبلاقي راحتي فــ ضي عينيه
