على عودي ❤️ بقلم الشاعرة زينب سليم أحمد
◇◇◇◇◇◇◇◇◇◇◇◇◇◇
هاعزف على عودي ألحاني
وهاطلع للدنيا ........... لساني
واللي هايقول .. نغماتي نشاز
راح أقول بتعلم ... لسااااااااني
واركب راسي .... وهاكمل عند
اعمل أغنية ........ وتبقى ترند
واللي هايقول ..دي بتقصد حد
راح اقوله كبر ......... وإنساني
واعزف اغنية .. كمان ع الناي
ومتسألونيش .... هاعزفها إزاي
شعشعت الفكرة آوام ف الراس
وخلاص هاعرضها الشهر الجاي
وكمان على فكرة .... هااغنيها
دا عشاني ...... حاسة بمعانيها
وكفوف الفرح هااحنيها ..!!!!
واعمل زفة وشبكة وواي فاااي
هاعمل سلطانة ... واجمع تخت
وهالف الكون كله ... على يخت
واعيد أمجادك ......... يامنيرة
وبتأشيرة ....... يتعدل البخت
خلي الحربوقة ... تشط حريق
وانا برسم سكة واخط طريق
وهايبقى عندي ... أقوى فريق
يظبط لي النوتة ..... لو لبخت
راح اكون الألفة .. ونجمة جيل
واصبح أيقونة ..... لكل جميل
هااكتب أشعاري ....... وألحنها
وكمان أغنيها ....... بفن أصيل
راح اطور نفسي ... وأجددني
ولا شييء لطموحي يحددني
والغيران مني .. يقلدني ..!!!
ماهو ياماكتير بنشوف دلاديل
