دامت لمين ❤️ بقلم الشاعرة زينب سليم أحمد

    ◇◇  دامت لمين  ◇◇
◇■◇■◇■◇■◇■◇■◇

ياللي مغرور ...  بالمناصب
وفــ مدارها .. كنت  هايم
جيت وعينك  ع المكاسب
في الفساد  عايش وعايم
اتغريت بكلام معسول ..!!
فيه  الزيف دايب  محلول
وبيدك ..... كنت المسئول
اكمنك ... فــ عسلهم  نايم
ونصيبك هو اللي يصيبك
ارضى بقدرك  ويا نصيبك
سير ع السُنةونهج حبيبك
تاخد أجر .. مجاهد صايم
بص شوف دامت لمين ؟؟
م للي ..... عاشوا مغيبين
دي الحياة  يادوب يومين
والمولى سبحانه .. الدايم