شايب وعايب ■ بقلم الشاعرة زينب سليم أحمد

 

  💥💥 شايب وعايب 💥💥
◇■◇■◇■◇■◇■◇■◇■◇
           
ياجامد  وداير ..... وعامل خطير
ووسط الخلايق ... فخور انه زير
وبين الحريم  ......  عشانك لئيم
بتعمل كريم ........ وعندك ضمير

يافاقع مرارتي ......... بدمه تقيل
وعايش  ف دور الحليوة  الجميل
مسبسب ملزق ..... عشانك  مهزء
وجاي تتلزق  ....... يا قُبة وثقيل

ياعلة ياقِلة .......... وعامل هُمام
وممسوك ب ذلة ...  قصاد المدام
ياخلفة زرايب .. ياشايب وعايب
خنقت القرايب ..... بفعل الحرام 

بتنشر ثقافتك ......  وللشر غاوي
وجاي بسخافتك . بتكتب غناوي
ياريتك تفوق ....... كفاية فسوق
ياسلعة  ف سوق  يا أُس البلاوي

بتحلف بدينك ...... وأمك وأبوك
وفعلك يدينك  مع اللي يصونوك
لا تعرف أصول .. وفعلك دا قول
عشان دلدول ... لرضوى وشروق

✍️ Zainab Selim