عم الطاهر ■■ بقلم الشاعرة زينب سليم أحمد
💥💥 عم الطاهر 💥💥
◇■◇■◇■◇■◇■◇■◇
بألف قناع .. ياسي النحنوح
تدور وتلف ......... وتجيني
مرة ملاك ...... بوش صبوح
وعامل شيخ ....... بيهديني
قصاد الناس لطيف ووديع
وجواك ديب حقير ووضيع
مع حوا عامل ....... تطبيع
وتتدارى .. بنشيد ديني ..!!
تملي مع الحريم ..... باديء
بقول بيبان لهم .... معسول
وتبدأ وصلة .... في مباديء
بقال الله .... ووصى رسول
وتتنحنح ....... مع النسوان
تبخ السم .......... كالثعبان
ولما المستخبي يبان ...!!!!!
تبجح فــ اللي عاش معدول
كل كلامك ..... كدب وزيف
وتحلف ...... ع اللي بتقوله
ترمي بلاك ...... لأي شريف
فشلت تناطحه ..... وتطوله
وبتهرتل بقول ..... وكلام
وبتعمله ..... مونتاج افلام
أبطاله تخصص ... ريكلام
ترقص سُنسُن فيه مع لولو
خف ياعم .... شوية وفوق
وبلاش بالأخلاق .. تتظاهر
اظبط قولك .... خليه ذوق
واللي فجوفك خليه ظاهر
اوعى تفكر ... 100 برواز
هايخلوك في العين استاذ
ومادام بيتك .... هش ازاز
متعش فــ دور عم الطاهر
✍️ Zainab Selim