نسمة حب ❤️ بقلم الشاعرة زينب سليم أحمد
■♡■♡■♡■♡■♡■♡■♡■
يوماتي لبحر الشوق .. اجيله
بوشوش موجه ..... واغنيله
واما بيلمحني ...... هلا عليه
يخطف عيني .... نور قناديله
وتاخدني اللهفة ...على سهوة
ويدوب قلبي ..... ويا القهوة
وانا عمالة بدندن ........ غنوة
وبناجي الشوق .. وأسهر ليله
ع البحر لمحته حبيبي الغالي
جاي بشوق ... وبلهفة نادالي
قالي ياعطر .. الشوق والورد
رد القلب ....... عليه طوالي
هبت نسمة ..... حب جميلة
رقص القلب ... عليها الليلة
ضي قمرنا .......عمل ضليلة
طيرنا معاه .... للنجم العالي
قلبي فرح على غير العادة
ولقيت نبضه بيعلى بزيادة
والدنيا لقيتها .. بقيت وردي
بتبدل ألوانها ..... السادة .!!
وحبيبي حضن . ايدي بإيده
يومها صبح . للقلب دا عيده
والدم اتجدد .... في وريده
كل ما كان قلبه .... بيتمادى
✍️ Zainab Selim